من طرف عاشق صولة الكرار الإثنين سبتمبر 01, 2008 5:51 pmردت للطفوف وشايله الرايه
هاي ام الخدر زينب مسمايه
وصلت للشريعه دموعها دمايه
رادت عباس يحاچیها
***
***
صاحت ياگمر هاشم يراعي الجود *
مثلك عالارض ماواحد الموجود
مو گتلك يخويه للطفوف نعود
ونجيب البيرغ ويانه
***
***
صوت من الشريعه صاح ياحياچ
يازينب يخويه وغيرتي الترعاچ
بالطف طاح جسمي وراسي ظل وياچ
لعيال حسين يباريها
***
***
آنه ام الخدر واختك يحامي الدين *
جيتك والحراير تنشد اعله حسين
گوم انهض يسبعي وارفع الجفين
ولصوب حسين ودليها
***
***
عد عينچ يخويه ومايمنعوني
لو گطعوا چفوفي وطفوا عيوني
وياكم لبو السجاد ودوني
بالحومه حسين وتانيني
***
***
اسمعني يخويه وشيلتي العالراس *
ياغيره ومراجل بي تلوذ الناس
صاح حسين من شافك طحت عباس
بصواب الحيد انهد حيلي
***
***
من شاف العلم لف الچفوف وطاح
صاح الهم يزينب لن چفيلچ راح
وانه وداعة الله وهذا نجمي اللاح
چن حيدر ذاك يناديني
***
***
طب حسين للحومه وغدت طشار
لاظلت اميه ولا سرايا العار
چن حيدر يخويه وبيده ذو الفقار
شفته من بعيد يحز بيها
***
***
اسمع صوت ان لم يكتمل هالدين
اله بچتلتي وسبيچ ينور العين
وينچ ياسيوف اخذيني انه حسين
مذبوح اعداي يريدوني
***
***
يازينب دخيلچ يبت داحي الباب
خويه حسين خويه شلون صار گراب
كل ذيچ السيوف ودمه صب خنياب
شد حيله وصاح اعله چفوفه
***
***
لو تدري يخوي الصار ساعة طاح ابو اليمه
شبو بالخيام النار ماظل للحرم حرمه
مسبيه وچفيله عيال كلها تصيح ياعمه
للشام اعداك اموديني
***
***
لو تدري يماي العين من طب الضعن للشام
گالوا خارجيه الناس ماگالوا علينه اسلام
وبمجلس يزيد انوب صارت تشتم الظلام
ولراس حسين يگلبونه
***
***
آنه اختك عقيلة هاشم الحره
بت حيدر علي وبت فاطمه الزهره
وانه اخت الحسين الطاح عالغبره
قربان الدين وتثبيته
***
***
كد كيدك يزيد الساني گام يصيح
واسعى شما سعيت بكل صفار الريح
ماتمحي الذكر والرايه لا متطيح
واسم العباس ايرف بيها
